Ankara İsveç və Finlandiyanın NATO-ya daxil olmasından dividendlər əldə edir

Görünür, Türkiyə prezidenti Ərdoğan Rusiyanın 1975-ci ildə Helsinkidə qəbul edilmiş Avropada təhlükəsizlik və əməkdaşlıq haqqında Zirvə Aktının müddəasını pozaraq suveren Ukraynaya ordu yeridəndən sonra İsveç və Finlyandiyanın təcili NATO-ya üzv olmaq niyyətindən istifadə edərək əzmkar və dəqiq oyunu ilə milli təhlükəsizliklə bağlı bir sıra məsələləri həll edə bilib.

Ankara iki Skandinaviya ölkəsinin NATO-ya qəbulu ilə bağlı konsensusa dəstək vermək üçün dərhal şərtlər irəli sürdü. Türkiyə Stokholmda yerləşən terrorçu Kürdüstan Fəhlə Partiyasının (PKK 1984-cü ildən Türkiyə dövlətinə qarşı müstəqillik uğrunda müharibə aparır və ABŞ və Avropa İttifaqı tərəfindən terrorçu qruplar siyahısındadır) fəaliyyətini məhdudlaşdırmağı, Suriyadakı kürd separatçılarının silahla təminatını dayandırmağı silah embarqosunu ləğv etməyi (İsveç və Finlandiya 2019-cu ildə Suriyanın şimal-şərqindəki hərbi hücumundan sonra Türkiyəyə embarqo qoyub) tələb edib. Vaşinqtona da tələblər irəli sürülüb. Ankara Rusiyadan S400 hava hücumundan müdafiə sistemlərinin alınması ilə bağlı ona tətbiq edilən sanksiyaların ləğvində israr edir, həmçinin Türkiyənin ən yeni F35 təyyarələrinin istehsalında iştirakını bərpa etməyi tələb edib.Prezident Bayden mayın 19-da İsveç və Finlandiyanın NATO-ya üzv olmaq təkliflərini alqışladıqdan sonra bu ölkələrin liderləri problemlərin həllində Türkiyə ilə çalışacaqlarına söz verdilər