Avropa Rusiya qaz və neftindən asılı olduğunu açıq etiraf etdi - başqa alternativimiz yoxdur...

Almaniya kansleri Olaf Şolts yazılı açıqlamada, sanksiyalara baxmayaraq, Rusiyadan qaz və neft ixracı ilə bağlı tənqidlərə cavab verib.

Şolts Avropanın Rusiyadan enerji tədarükünü bilərəkdən sanksiyalardan azad etdiyini deyib. Rusiya nefti və qazına mümkün idxal qadağası ilə bağlı müzakirələr fonunda Rusiyadan enerji tədarükünün hələ də nə qədər əhəmiyyətli olduğunu bildirən Scholz, Avropanın hazırda başqa alternativinin olmadığını açıqlayıb.

Federal hökumətin aylardır Rusiya enerjisinə alternativlər tapmaq üçün Avropa Birliyi və digər tərəfdaşlarla birlikdə çalışdığını qeyd edən Şolts, ancaq bunun bir gecədə baş verməyəcəyini deyib. Şolts, bu səbəbdən Rusiya ilə enerji təchizatı sahəsində kommersiya şirkətlərinin fəaliyyətlərinin davam etdirilməsinin düzgün bir qərar olduğunu bildirib.

Avropanın Rusiya neft və qazından asılılığı ilə bağlı Böyük Britaniyanın baş naziri Boris Conson isə deyib ki, Rusiyaya enerji asılılıqdan uzaqlaşmaq tamamilə düzgündür, lakin biz bunu addım-addım etməliyik: "Rusiyadan belə neft və qaz istifadəsini bir gecədə kəsə bilməzsiniz. Bu, dünyada hər ölkənin edə biləcəyi bir iş deyil".

Hollandiyanın baş naziri Rutte isə bildirib ki, “acı həqiqət odur ki, biz hələ də Rusiya neft və qazından çox asılıyıq”

Baş nazir xəbərdarlıq edib ki, Rusiyanın enerji asılılığından uzaqlaşması “addım-addım” baş verməsə, digər ölkələr, o cümlədən Ukrayna üçün “böyük nəticələr” olacaq.