PUTİNDƏN UKRAYNA ORDUSUNA HEYRƏT DOĞURAN ÇAĞIRIŞ: "Hakimiyyəti ələ keçirin..." - "Ukrayna ilə danışıq üçün heyət formalaşdırılıb"

Rusiya Prezidenti Vladimir Putin Ukrayna hərbçilərini ölkədə çevriliş edərək, hakimiyyəti ələ keçirməyə səsləyib.

Globalpress.az"RİA Novosti"yə istinadən xəbər verir ki, o, bu çağırışı Təhlükəsizlik Şurasının daimi üzvləri ilə keçirdiyi onlayn konfransda edib.

Putin bildirib ki, Ukrayna əsgərləri dinc əhalinin canlı qalxan kimi istifadə edilməsinə də mane olmalıdır.

Yeri gəlmişkən, bu gün Putin Zelenski iqtidarı ilə Minskdə görüşə hazır olduğunu bəyan edib. O, bu barədə Çin lideri ilə müzakirədə söz açıb.

Bununla yanaşı, Rusiya Ukrayna ilə danışıqlar aparmaq üçün nümayəndə heyətini də müəyyənləşdirib.

Bu barədə açıqlama verən Rusiya Prezidentinin mətbuat katibi Dmitri Peskov deyib ki, nümayəndə heyətinə müdafiə və xarici işlər nazirlikləri, Prezident Administrasiyası rəsmilərinin daxildir: "Artıq bu barədə Ukrayna tərəfinə məlumat verilib".