Pallonedən Azərbaycana qarşı növbəti təxribat: “Bakı qoşunlarını sərhəd bölgələrindən çıxarmalıdır”

“ABŞ Azərbaycan qoşunlarını sərhəd bölgələrindən çıxarmağa çalışmalıdır. Bu, sülh prosesinə töhfə verəcək”.

Globalpress.az xarici mediaya istinadən xəbər verir ki, bu cür sərsəm açıqlama ilə ABŞ Konqresinin Nümayəndələr Palatasının üzvü, Konqresin Erməni işləri üzrə Komissiyasının həmsədri Frenk Pallone çıxış edib:

“Dövlət katibi Entoni Blinkenin Cənubi Qafqazda gedən prosesləri izlədiyini görmək çox xoşdur. Birləşmiş Ştatlar Azərbaycan qoşunlarını sərhədyanı ərazilərdən çıxarmağa çalışmalıdır. Bu, sülh prosesinə töhfə verəcək”, – deyə Pallone “Twitter” hesabında yazıb.

Xatırladaq ki, Frenk Pallone Konqresdə Azərbaycan əleyhinə qətnamələrin hazırlanmasında fəal iştirak edir və qatı ermənipərəst mövqeyi ilə tanınır.