Hakan Fidan Blinkenlə telefonla danışıb

Türkiyə xarici işlər naziri Hakan Fidan bu gün ABŞ dövlət katibi Entoni Blinken ilə telefon danışığı aparıb.
Globalpress.az xəbər verir ki, bu barədə Türkiyə XİN-dən bildirib.
Danışıq zamanı Qəzzadakı son hadisələr və Ukraynadakı vəziyyət müzakirə edilib.

Hakan Fidan Qəzzada ən qısa zamanda qalıcı atəşkəsin yaradılmasının vacibliyinə toxunub. Eyni zamanda, o, humanitar yardımların bölgəyə çatması qarşısındakı maneələrin aradan qaldırılmasının lazım olduğunu vurğulayıb. Fidan, İsrailin Rəfaha hücumunun da qəbuledilməz olduğunu bildirib.