Avropa Parlamenti Ukraynaya yardım ayırır

Avropa Parlamenti Ukraynaya dörd il ərzində 50 milyard avro məbləğində yardım paketinin ayrılmasını təsdiqləyib.
Globalpress.az xəbər verir ki, qərarın alındığı plenar iclas Avropa Parlamentinin saytında yayımlanıb.

Səsvermə zamanı Ukraynaya maliyyə dəstəyinin lehinə 536 deputat, əleyhinə 40 deputat səs verib. İlk tranşın mart ayında verilməsi gözlənilir.

Ukraynaya 50 milyard avroluq yardım paketi keçən ilin payızında Avropa Komissiyası tərəfindən təqdim edilib. Buraya dörd il üçün nəzərdə tutulmuş 33 milyard avro məbləğində kreditlər və 17 milyard avro məbləğində geri qaytarılmayan qrantlar daxildir. Avropa Komissiyası prezidenti Ursula Von der Leyen mart ayında 4,5 milyard avronun ilk tranş kimi Ukraynaya təqdim olunacağını vəd edib.

Aİ liderləri uzun müzakirələrdən sonra fevralın 1-də yardım paketi ilə bağlı razılığa gəliblər.