G20-nin xarici işlər nazirləri görüşəcək

Rusiyanın xarici işlər naziri Sergey Lavrov Rio-de-Janeyroda keçiriləcək G20 xarici işlər nazirləri toplantısı çərçivəsində bir sıra ikitərəfli görüşlər keçirməyi planlaşdırır.
Globalpress.az -ın məlumatına görə, bu barədə Rusiya Xarici İşlər Nazirliyinin sözçüsü Mariya Zaxarova açıqlamasında bildirib:

"Meksika və Cənubi Afrikadan olan həmkarlarımızla bir sıra ikitərəfli görüşlər nəzərdə tutulub. Türk həmkarımızla da bir görüş planlaşdırılır. Təbii ki, Braziliyanın xarici işlər naziri ilə bir görüş. Misir və Boliviya xarici işlər nazirləri ilə görüş olacaq. Bu tam bir siyahı deyil".

Lavrov ilk olaraq Kuba və Venesuelaya səfər etdikdən sonra G20 xarici işlər nazirlərinin iki günlük toplantısının keçiriləcəyi Braziliyaya gəlib.