Ukrayna Aİ - na qəbul ediləcək

Avropa İttifaqına üzv ölkələrin liderləri Ukraynanın bu ilin dekabrında üzvlük danışıqlarına başlamağa hazır olması ilə bağlı Avropa Komissiyasının müsbət qərarı olacağı gözlənilir.

Globalpress.az xəbər verir ki, bu barədə “Politico” nəşri məlumat yayıb.
Nəşrin yazdığına görə, Avropa liderləri Ukraynanın İttifaqa üzv olması prosesinin başladılmasına razılıq veriblər.

Məlumata görə, Avropa Komissiyası Ukrayna və digər Avropa İttifaqına müraciət edənlərin müvafiq şərtləri nə dərəcədə yerinə yetirdiyi barədə hesabat dərc edəcək.

Yaxın aylarda Ukrayna məsələsi ilə bağlı Avropa Komissiyası bəyanat verəcək.

"Bu ilin dekabrına qədər Avropa Şurası danışıqlara başlamaq barədə qərar razılıq verəcək. Məqsəd dekabrda üzvlük danışıqlarının başlanması ilə bağlı siyasi razılığa nail olmaqdır", - deyə “Politico” nəşri qeyd edir.