Rusiyaya qarşı 11- ci sanksiyalar paketi

ABŞ, Avropa İttifaqı və bir sıra digər ölkələr Rusiyaya qarşı hər tərəfin müstəqil, lakin digərləri ilə koordinasiyalı şəkildə tətbiq edəcəyi yeni sanksiyalar hazırlayır.

Globalpress.az xarici mətbuata istinadən xəbər verir ki, əsas məqsəd yeni məhdudiyyətlər tətbiq etmək deyil, artıq tətbiq edilmiş sanksiyalardan yan keçməyə imkan verən boşluqları aradan qaldırmaqdır.

Bu plan may ayında Yaponiyada keçiriləcək G7 liderlərinin görüşündə açıqlanacaq.

Sammitdə liderlər Rusiyaya qarşı hansı tədbirlərin nəticə verdiyini və hansı variantların qaldığını müzakirə edə biləcəklər.

Avropa İttifaqı üçün yeni sanksiyalar paketi 11-ci olacaq.