Ukraynanın NATO- ya üzv olmaq istəyini dəstəkləyirik

Çexiya Ukraynanın NATO-ya daxil olmaq istəklərini dəstəkləyir, lakin hesab edir ki, təkcə bu addım Rusiya təcavüzünə qarşı Kiyevin problemlərini həll etməyəcək.



Globalpress.az- ın məlumatına əsasən bunu Çexiyanın xarici işlər naziri Yan Lipavski bildirib.



"Əlbəttə, biz Ukraynanın NATO-ya üzv olmaq istəyini dəstəkləyirik. Amma bu, Ukraynanın problemini avtomatik həll edəcək bir şey deyil", - o deyib.



Lipavski hesab edir ki, NATO-ya üzv ölkələr Ukraynaya yardımın artırılmasına, o cümlədən hərbi texnika fonduna pul ayrılmasına diqqət yetirməlidirlər.



Çexiya Xarici İşlər Nazirliyinin rəhbəri Ukraynanın Alyansa qoşulmasını uzaq perspektiv olduğunu vurğulayıb.