Almaniyadan Putinlə bağlı qərar:

Əgər Haaqa Beynəlxalq Cinayətlər Məhkəməsi (BCM) Rusiya Prezidenti Vladimir Putinin həbsi ilə bağlı qərarının icrasını tələb edərsə, o zaman Almaniya ərazisinə səfəri halında saxlanılacaq.

Globalpress.az xəbər verir ki, bunu Almaniya ədliyyə naziri Marko Buşman deyib.

Nazir bildirib ki, Rusiya lideri saxlanıldıqdan sonra Almaniya tərəfi onu BCM-ə təhvil verməyə borclu olacaq.

“Gözləntim budur ki, Beynəlxalq Cinayətlər Məhkəməsi dərhal İnterpola, eləcə də üzv dövlətlərə müraciət edəcək və qərarının icrasını (Putinin həbsi) tələb edəcək”, - Buşman vurğulayıb.