Türkiyə və BMT zəmanət istəyir

Türkiyə və BMT Rusiya kənd təsərrüfatı məhsulları və ammonyakın bazarlara çıxması üçün möhkəm təminat istəyir.


Globalpress.az rus KİV- ınə istinadən xəbər verir ki, “taxıl müqaviləsi” martın 18-də başa çatır. Türkiyə prezidentinin rəsmi nümayəndəsi İbrahim Kalın bir müddət əvvəl Ankaranın Rusiya kənd təsərrüfatı məhsullarının bazarlara çıxması ilə bağlı Vaşinqtondan zəmanət aldığını bildirib və ABŞ-ı bunu ictimailəşdirməyə çağırıb.

“Bəli, biz Qərb ölkələrindən zəmanət almaq istəyirik ki, heç bir maneə olmayacaq. Hazırda logistika, sığorta və ödəniş baxımından maneələr var. İstərdim ki, Qərb ölkələrindən dəmir-beton qarantiyalar alınsın və bu, ictimaiyyətə açıqlansın. Bu, təbii ki, Qara Dəniz Taxıl Təşəbbüsünün rahat işləməsinə kömək edəcək”, - deyə mənbə vurğulayıb.

Rusiya, Türkiyə, Ukrayna və BMT nümayəndələri tərəfindən 2022-ci il iyulun 22-də imzalanan taxıl sazişi Odessa da daxil olmaqla üç limandan Ukrayna taxılının, ərzaq və gübrələrin Qara dəniz vasitəsilə ixracını nəzərdə tutur. İstanbuldakı Birgə Koordinasiya Mərkəzi (JCC) gəmilərin hərəkətinin koordinasiyasına cavabdehdir