Zəfər Günündə İkinci Şəhidlər xiyabanına insan axını başlayıb - YENİLƏNİB

Zəfər Günündə İkinci Şəhidlər Xiyabanında şəhidlərin ruhuna hörmət əlaməti olaraq bir dəqiqəlik sükut elan edilib.

“Report” xəbər verir ki, daha sonra Azərbaycanın Dövlət Himni səsləndirilib.

09.00
Zəfər Günündə İkinci Şəhidlər xiyabanına insan axını başlayıb.

Globalpress.az xəbər verir ki, Vətən müharibəsində qazanılmış böyük qələbədən iki il ötür.

Xatırladaq ki, 2020-ci ildə 44 gün davam edən müharibədə 2 906 nəfər torpaqlarımızın qorunması, vətənimizin müdafiəsi uğrunda canından, qanından keçərək şəhidlik zirvəsinə ucalıb.

Qeyd edək ki, Azərbaycan Respublikasının Prezidenti İlham Əliyevin 3 dekabr 2020-ci il tarixli imzaladığı sərəncəma əsasən hər il noyabrın 8-i Azərbaycan Respublikasında Zəfər Günü kimi qeyd edilir.