İspaniya Ukraynaya yardım paketini təsdiqləyib

İspaniya Nazirlər Şurası Avropa Komissiyası (AK) ilə Ukraynaya çoxmilyonluq maliyyə yardımı göstərilməsi haqqında sazişi təsdiqləyib.
Globalpress.az xəbər verir ki, bu barədə X-də Krallığın xarici işlər naziri Xose Manuel Albares məlumat verib: “Hökumət İspaniya ilə AK arasında 2024-2027-ci illər ərzində Ukraynaya maksimum 237,5 milyon avro məbləğində maliyyə yardımı göstərilməsi haqqında sazişi təsdiqləyib. İspaniya Ukraynanı sülh, azadlıq, suverenlik və ərazi bütövlüyünü müdafiə etməkdə qətiyyətlə dəstəkləməyə davam edir".