İsveçdən Ankaraya çağırış: Sakitləşək.

Ankara da hazır olan kimi İsveç Türkiyə ilə NATO-ya üzv olmaq üzrə danışıqları bərpa etməyə hazırdır.

Globalpress.az xəbər verir ki, bunu İsveçin Baş naziri Ulf Kristersson deyib.

“Vəziyyəti sakitləşdirmək bizim ilk işimizdir. Hər tərəf alov içində olanda yaxşı danışıqlar aparmaq çətindir. Gəlin sakitləşək, təhlükəsizlik mülahizələrini nəzərə alaq və danışıqlar masasına qayıdaq”, - baş nazir bildirib.

Qeyd edək ki, İsveçdə Qurani-Kərimin yandırılmasından və PKK-çıların Ərdoğana qarşı aksiyasından sonra Türkiyə bu ölkənin NATO-ya üzvlük məsələsini dondurub.