Gündəm / Cəmiyyət
DİN: "Jurnalist Aytən Məmmədovaya hücum araşdırılır"
Bakıda jurnalist Aytən Məmmədovaya yaşadığı binanın blokunda bıçaqlı hücum edilib.
"Globalpress.az"ın xəbərinə görə, hadisə mayın 8-i gecə saatlarında Binəqədi rayonu, Mir Cəlal küçəsi 11 ünvanında yerləşən binanın blokunda qeydə alınıb.
Belə ki, A.Məmmədova yaşadığı binanın blokunda liftə girən zaman bir nəfər onun arxasınca içəri daxil olub. Daha sonra həmin şəxs bıçağı jurnalistin boğazına dirəyib və adını çəkmədiyi məhkəmə işinə görə onu hədələyib, proses barədə yazmamasını tələb edib.
Hücum edən şəxs A.Məmmədovaya xəsarət yetirərək hadisə yerindən qaçıb.
Hadisə barədə Daxili İşlər Nazirliyinin (DİN) "102" Zəng-Mərkəzinə müraciət edilib.
Məsələ ilə bağlı DİN-in Mətbuat Xidməti "Globalpress.az"ın sorğusuna cavab olaraq bildirib ki, hadisə ilə əlaqədar nazirliyə məlumat daxil olub, araşdırmalara başlanılıb
Daha çox xəbər:
MEDİA: Aytən Məmmədova ilə bağlı məsələ diqqətdə saxlanılır
Əhməd İsmayılov jurnalist Aytən Məmmədova ilə bağlı məsələyə münasibət bildirdi
BİHK hüquq-mühafizə orqanlarını jurnalistə qarşı hücumu obyektiv şəkildə araşdırmağa çağırır
"Jurnalist Aytən Məmmədova ilə bağlı insident hüquqi qiymətini almalıdır"
Xırdalanda gənc özünü binanın 5-ci mərtəbəsindən atdı
