NATO Avropada özünün ən böyük bazasını tikir

Rumıniyada 10 min hərbçi üçün nəzərdə tutulmuş Avropadakı ən böyük NATO bazasının tikintisinə başlanılıb.
Hərbi obyektin tikintisi 2,5 milyard avro dəyərində qiymətləndirilir.
Globalpress.az xəbər verir ki, sahəsi 2,8 min hektar olan baza Qara dənizdəki Rumıniya limanından çox da uzaq olmayan Konstansa rayonunda yerləşir. Obyektin infrastrukturu Şimali Atlantika Alyansının mövcud bazası "Mihail Kogalniceanu" ətrafında qurulur.

Bildirilir ki, onun ərazisində uçuş-enmə zolaqları, təyyarələr üçün anqarlar, silah platformaları və mülki infrastruktur: məktəblər, uşaq bağçaları, xəstəxanalar və mağazalar yerləşəcək.