Bakı bu cinayətkarların siyahısını separatçılara verib - Hraparak

Azərbaycan Bakıya ekstradisiya edilməli olan cinayətkarların siyahısını Qarabağdakı separatçılara təqdim edib.
Globalpress.az- ın məlumatına görə, bu barədə “Hraparak” məlumat yayıb.

Erməni qəzeti iddia edir ki, bu gün Azərbaycan Bakıya ekstradisiya edilməli olan şəxslərin adlarını Qarabağdakı separatçılara verib.

Qeyd olunur ki, siyahıda Qarabağdakı keçmiş separatçı liderlərin, Azərbaycan ərazisində separatizmdə fəal iştirak etmiş şəxslərin, o cümlədən Birinci və İkinci Qarabağ müharibələri zamanı Azərbaycan ordusuna, mülki əhaliyə qarşı vəhşiliklər və ağır cinayətlər törətmiş şəxslərin adları yer alıb.