İranda parlament seçkiləri keçirilir

Globalpress.az xəbər verir ki, İranda bu gün ölkənin 290 yerlik parlamentinə seçkilər keçirilir. Ölkənin 87 milyon vətəndaşının 61 milyondan çoxunun səsvermə hüququ var.
Seçkilərə buraxılmış 1000-dən çox namizəd qadındır. İran Konstitusiyasına görə, parlamentdə 5 yer dini azlıqların nümayəndələrinə ayrılmalıdır.
Habelə bu gün İranın xüsusi dövlət orqanına - ölkənin ali rəhbərini seçən Ekspertlər Şurasına seçkilər keçirilir. Şurada 88 yer uğrunda 144 namizəd mübarizə aparacaq. Ekspertlər Şurası 8 il müddətinə seçilir.

Mənbə İRNA