Rusiya XİN məlumat yaydı

Azərbaycanla Ermənistan arasında dialoqda Rusiyanın rolunun alternativi yoxdur.
Globalpress.az- ın məlumatına görə, bunu Rusiya xarici işlər nazirinin müavini Mixail Qaluzin deyib.

Qaluzin Ermənistanla Azərbaycan arasında münaqişənin həlli prosesini şərh edib. O qeyd edib ki, Rusiyanın hazırkı vəzifəsi hər iki ölkəyə barışıq və dinc qarşılıqlı fəaliyyət yollarını tapmaqda kömək etməkdir:

"Prezident Vladimir Putinin təşəbbüsü ilə Azərbaycan və Ermənistan arasında nizamlanmanın əsasları yaradılıb. Rusiya sülh müqaviləsinin bağlanması ilə bağlı bütün məsələlər üzrə yardım göstərir. Rusiya tərəfində Azərbaycan-Ermənistan sərhədinin delimitasiyası üçün lazım olan materiallar var. Ümid edirəm ki, Ermənistan xarici oyunçuları cəlb etmək əvəzinə üçtərəfli nizamlamaya üstünlük verəcək. Moskva hər zaman dialoq üçün platforma təqdim etməyə hazırdır".