Zelenski NATO- nun Baş katibi Yens Stoltenberq ilə görüşüb

Ukrayna Prezidenti Volodimir Zelenski İsveçrədə Davos İqtisadi Forumu çərçivəsində NATO-nun Baş katibi Yens Stoltenberqlə görüşüb.
Globalpress.az xəbər verir ki, bu barədə Zelenski öz telegram səhifəsində yazıb.

Məlumata görə, görüşdə bir çox mühüm məsələ müzakirə olunub.

“Döyüş meydanındakı vəziyyət, ölkəmizin müdafiə ehtiyacları, Ukraynanın hava hücumundan müdafiə sisteminin daha da gücləndirilməsi, NATO-nun Vaşinqtonda keçiriləcək növbəti sammitə hazırlıq, G7 bəyannaməsi çərçivəsində tərəfdaşlarla ikitərəfli təhlükəsizlik sazişləri üzərində işləmək barədə danışdıq”, - deyə Ukrayna prezidenti yazıb.