Atəşkəs rejimi pozulub

“Dağlıq Qarabağın Martuni rayonu (Xocavənd – red.) ərazisində atəşkəs rejiminin pozulması faktı qeydə alınıb”.

Globalpress.az- ın məlumatına görə, bu barədə Rusiya Müdafiə Nazirliyinin açıqladığı məlumatda deyilir.

“Zərərçəkən yoxdur. Rusiya sülhməramlı qoşunlarının komandanlığı bu faktla bağlı araşdırma aparır. Patrul xidməti üç marşrut üzrə aparılır”, – deyə məlumatda deyilir.

Məlumatda bildirilir ki, Rusiya sülhməramlılarının təhlükəsizliyini təmin etmək və baş verə biləcək insidentlərin qarşısını almaq məqsədilə Azərbaycan və Ermənistan silahlı qüvvələrinin baş qərargahları ilə daimi ünsiyyətdədirlər.