Gündəm / Cəmiyyət / Sosial
Əsasən torpağın sənədi olmalıdır

Sənədsiz evlərə dövlət reyestrindən çıxarışların və texniki pasportların verilməsi prosesində problemlər hələ də qalmaqdadır. Hazırda 500 mindən çox belə ev var. Bu isə o deməkdir ki, təxminən iki milyondan çox insan yaşadığı ünvanda qeydiyyatda deyil.
Globalpress.az xəbər verir ki, əmlak eksperti Ramil Qasımzadə deyib ki, vətəndaşların çoxu ya kənd təsərrüfatı təyinatlı torpaqlarda ev tikib, ya da sadəcə, bələdiyyə qərarı olan kağız alıb. Bu da onlara evlərin qeydiyyatı prosesində müəyyən problemlər yaradır.
Ekspert bildirib ki, fərdi yaşayış evinin çıxarışla təmin edilməsi üçün ilk növbədə həmin torpağın sənədi olmalıdır.
Bəzən daşınmaz əmlakın sənədləşməsi zamanı arxiv sənədi də tələb edilir. Bu sənəd əmlakın həmin şəxsin mülkiyyətində olmasını təsdiq edir.
Ramil Qasımzadə deyir ki, vətəndaşlar torpaq alarkən onun təyinatına diqqət yetirməlidirlər.
Ekspert ev və torpaq alarkən mütəxəssislərə müraciət etməyi də tövsiyə edir.
Daha çox xəbər:

Təsərrüfat təyinatlı sahələrdə tikilən evləri nə GÖZLƏYİR? – Çıxarış ancaq bu halda verilə bilər

Daşımaz əmlakın çıxarışının olmama səbəbləri.

Burada vətəndaşlar yox, torpaqları onlara satan şəxslər və qurumlar cərimələnməlidir” - ÖZƏL

Pay torpaqları ilə bağlı QƏRAR

Texniki pasport Azərbaycan dilində olmalıdır: Cərimə tətbiq olunacaq