"Zəlzələ baş versə, 10 min sakinin evi dərhal uçacaq"

“On min sakinin evi zəlzələ zamanı dərhal uça bilər”.

Globalpress.az xəbər verir ki, bu barədə cümə günü İstanbul meriyasının baş katibinin müavini Buğra Gökçe məlumat verib.

O bildirib ki, İstanbulun 10 minə yaxın sakini zəlzələ zamanı ani uçma riski yüksək olan evlərdə yaşayır.

“Şəhərdə təxminən 10 min nəfər əhalisi olan 318 bina zəlzələ zamanı ani dağılma riski altındadır. Bu binaların hətta E sinifi (aşağı sinif – red.) seysmik müqaviməti belə yoxdur. Daha İstanbuldakı 1525 bina D və E siniflərinə malikdir, bu, artan riskdir”, – deyə “Demiroen” agentliyi rəsmidən sitat gətirib.

Gökçe bildirib ki, şəhər rəhbərliyi bu evlərdəki mənzillərin kirayəçilərinə zəlzələyə daha davamlı evlərə köçmələri üçün kirayə haqqının bir hissəsini subsidiya etməyə qərar verib. Meriya hər bir belə kirayəçiyə 250 dollar ödəmək niyyətindədir.

İstanbul meriyasının mütəxəssisləri binaların seysmik müqavimətini yoxlamaqda davam edir.

2019-cu ildən indiyədək 107 min evin vəziyyətini yoxlayıb rəy verə biliblər. Lakin bu iş yalnız 2000-ci ildən əvvəl tikilmiş binalara şamil edilib.

Son zəlzələlərdən bəri səlahiyyətli orqanlara həm köhnə, həm də yeni tikililərin ekspertizası üçün 40.000-dən çox müraciət daxil olub və hər gün müraciətlər daxil olmaqda davam edir.