Lionel Messi zəlzələdən zərər çəkənlərə dəstək çağırışı etdi

Argentinalı ulduz futbolçu Lionel Messi "əsrin fəlakəti" olaraq xarakterizə edilən Kahramanmaraş mərkəzli zəlzələlərdən sonra Birləşmiş Millətlər Təşkilatının Uşaq Fondunun (UNICEF) başlatdığı yardım kampaniyasına dəstək çağırışı edib.

Globalpress.az bu barədə TRT-yə və futbolçunun sosial media hesabına istinadla xəbər verir.

Messi sosial mediada UNICEF-in internet səhifəsində müvafiq səhifənin linkini paylaşaraq yazıb:

"Türkiyə və Suriyada baş verən dağıdıcı zəlzələlərdən zərər çəkən minlərlə uşaq və onların ailələri üçün çox kədərli bir gündür. Ürəyim onlarladır. UNICEF hələ çox əvvəldən bölgədə uşaqları qorumaq üçün çalışır. Sizin köməyiniz əvəzsizdir”.

Qaydaya görə, yardım çağırışı edənlər əvvəlcə özləri bu məqsədlə UNİSEF-ə müəyyən məbləğ ianə edirlər. Məbləğ açıqlanamasa da, ciddi media xəbərləri bunun 70 milyon tl - 3.7 milyon dollar oldğunu deyir.