Kalın: "Türkiyə də Azərbaycan kimi İran tərəfinin bəzi bəyanatlarından narahatdır"

“Biz də Bakı kimi İran tərəfinin bəzi bəyanatlarından narahatıq”.

Globalpress.az xəbər verir ki, bu barədə NTV Türkiyə Prezidentinin rəsmi nümayəndəsi İbrahim Kalına istinadən məlumat yayıb.


“Biz də Bakı kimi İran tərəfinin bəzi bəyanatlarından narahatıq. Bu baxımdan, üçtərəfli formatda danışıqlar bütün bu məsələləri həll edə bilərdi”, – Kalın deyib.

Onun sözlərinə görə, İran Prezidenti İbrahim Rəisi yaxın həftələrdə Türkiyəyə səfər edə bilər.

“Belə bir səfər hazırlanırdı, onu təxirə salan bəzi səbəblər var idi. İndi protokollar üzərində danışıqlar gedir. Düşünürəm ki, səfər yaxın həftələrdə həyata keçiriləcək, hələlik konkret təqvim yoxdur”, – deyə Kalın bildirib.

Onun sözlərinə görə, Ankara İranda baş verən hadisələrdən narahatdır və bununla bağlı rəsmi Tehranın qətiyyətini görür.