KTMT-yə üzv ölkələrin liderləri noyabrın 23-də İrəvanda keçiriləcək Kollektiv Təhlükəsizlik Şurasının iclasında iştirak edəcəklər.

KTMT-yə üzv ölkələrin liderləri noyabrın 23-də İrəvanda keçiriləcək Kollektiv Təhlükəsizlik Şurasının iclasında iştirak edəcəklər.

Globalpress.az ın məlumatına görə “Sputnik” agentliyi təşkilatın mətbuat xidmətinə istinadla məlumat yayıb.

İclasda beynəlxalq və regional təhlükəsizliyin aktual problemləri və sessiyalararası dövrdə KTMT-nin fəaliyyətinin əsas nəticələrinin müzakirə ediləcəyi bildirilir. “Tədbirdə Ermənistan Respublikasının Baş naziri Nikol Paşinyan, Rusiya Federasiyasının Prezidenti Vladimir Putin və Tacikistan Respublikasının Prezidenti Emoməli Rəhmon, Belarus Respublikasının Prezidenti Aleksandr Lukaşenko, Qazaxıstan Respublikasının Prezidenti Kasım-Jomart Tokayev, Qırğız Respublikasının Prezidenti Sadır Japarovun iştirakı gözlənilir.


Ən vacib məsələlərdən biri KTMT-nin böhrana cavab sisteminin təkmilləşdirilməsi və Ermənistan Respublikasına yardımın göstərilməsi üzrə birgə tədbirlərin müzakirəsi olacaq. Sessiya zamanı Kollektiv Təhlükəsizlik Şurasının bəyannaməsinin qəbul ediləcəyi gözlənilir”, - mətbuat xidməti qeyd edib.

İclasın gündəliyinə sülhməramlı qüvvələrin müasir silahlar, hərbi və xüsusi texnika ilə təchiz edilməsi, KTMT-nin radiasiya, kimyəvi və bioloji müdafiə və tibbi təminatın birgə formalaşdırılması, habelə muzdlu əməliyyat-profilaktik tədbirlər kompleksinə regional antiterror əməliyyatı statusu verilməsi daxildir.