“Dənizi hasarlayanların mülkləri sökülsün” - Razi Nurullayev

“Dənizi hasarlayanların mülkləri sökülsün” - Razi Nurullayev

“Yaz-yay mövsümü gəlib və istilər başlayıb. Vətəndaşlar dəniz sahilində gəzmək və çimərliklərdən istifadə etmək istəyirlər. Amma hər kəsin bildiyi kimi, Xəzər dənizinin sahilləri işğal altında qalmaqda davam edir”.

Globalpress.az xəbər verir ki, bunu Milli Məclisdə çıxışı zamanı deputat Razi Nurullayev deyib.

O, qeyd edib ki, son illər IDEA-nın rəhbəri Leyla Əliyevanın təşəbbüsü ilə Bakı şəhərində ictimai çimərliklərin yaradılmasına başlanılıb: “Bu isə kifayət etmir. Dəniz Allah tərəfindən xalqımıza lütf edilən bir ilahi sərvət, Konstitusiyamız tərəfindən isə istifadəsinə maneəsiz verilən bir hüquqdur. Hər kəs dənizin beş-on hektarını çəpərləyib, bu qanunsuzluğu hər bir vətəndaş görür, yaşayır və narazı qalır”.

Razi Nurullayev dəniz kənarından 130 metr məsafədə tikintiyə qadağanın qanunla təsbit edilməsini və dənizi hasarlayanların hasarı və mülkləri sökülməsini təklif edib