Ukraynanın “neytral statusu” müzakirə edilməlidir.

Peskov deyir ki, Putin Zelenski ilə görüşə bilər, o şərtlə ki, Ukraynanın “neytral statusu” müzakirə edilməlidir.

Bu, Ukraynada “Finlandiya modeli”nin tətbiqidir. Hərçənd, işğalın davam etdiyi vaxt Kreml görüş təklifi özü üçün “əl yeri” saxlamaq istəyindən irəli gəlir:

- İşğalın davam etdiyi vaxt “diplomatiyadan yana” olduqlarını göstərirlər;
- Zelenskini təslim olmağa dəvət edirlər: bu, həm də ukraynanlılara “biz görüş istəyirik, müharibəni sizin rəhbərlik aparır” mesajını çatdırmaqdır;

Hərçənd, Rusiyanın işğalda hədəflərindən biri də Zelenskini devirmək, Moskvaya bağlı rejim qurmaqdır. Peskovun “əməliyyat hədəfə çatana qədər davam edəcək” sözləri və Ukraynanı tərki-silah etmək istədiklərini deməsi də bunu göstərir.

Ukrayna rəhbərliyi də Kiyevdə hökumət məhəlləsinin müdafiəsinə hazırlaşır: Prezident Administrasiyası rəhbərinin müşaviri Mixail Podolyak deyir ki, Qostomeldə şiddətli döyüşlər gedir və Kiyevdə hökumət məhəlləsinə soxulmaq cəhdi mümkündür, çünki məqsədlərindən biri Ukrayna rəhbərliyini devirməkdir;

Müharibə uzansa, rusların işi çətinləşəcək. Buna görə ruslar günün sonuna kimi Kiyevi işğal etmək istəyir.

Siyasi icmalçı Asif Nərimanlı