Gənclər və idman naziri Meksika səfirini qəbul edib

Fevralın 23-də gənclər və idman naziri Fərid Qayıbov Meksika Respublikasının ölkəmizdəki Fövqəladə və Səlahiyyətli Səfiri Xuan Rodriqo Labardini Flores və səfirin müavini, konsul Alberto Aura Qonzalezi qəbul edib.

Qonaqları salamlayan nazir onlara ölkəmizin idman həyatı, eləcə də gənclər siyasəti barədə məlumat verib. İki ölkə arasında əlaqələrin inkişafında gənclər və idman sahələrində əməkdaşlığın da faydalı ola biləcəyi vurğulanıb.