Rusiyaya qarşı əməliyyatlar hazırlanır

Avropa İttifaqı Rusiyaya qarşı irimiqyaslı əməliyyat hazırlayır. Baltik dənizinə çıxışı olan Avropa İttifaqı ölkələri Rusiyanın “kölgə donanması”na daxil olduğu iddia edilən gəmilərin kütləvi saxlanmasına imkan verəcək hüquqi tədbirlər hazırlayır.

Globalpress.az- ın məlumatına görə , bu barədə avropalı rəsmilər və diplomatlar məlumat veriblər.

Onlar bildiriblər ki, yeni qanunvericilik gəminin ətraf mühitə vurduğu zərərə, dənizin dibindəki kabellərə və digər kritik infrastruktura zərər verdiyinə görə onun həbs edilməsinə icazə veriləcək. Nəşrin mənbələri qeyd ediblər ki, sonuncu halda tankerlərin saxlanılması üçün əsas “dəniz quldurluğuna qarşı mübarizə” olacaq.

Mənbələrin məlumatına görə, bir sıra Aİ ölkələri, xüsusən də Litva və Estoniya da etibarlı dəniz sığortaçılarının siyahısını yaratmağı planlaşdırır. Belə ki, gəmi bu siyahıya daxil olmayan şirkət tərəfindən sığortalanıbsa, o, saxlanılacaq.