Qəzzada ölənlərin sayı açıqlanıb

Qəzza zolağında həlak olan fələstinlilərin sayı 25 min 700-ə, yaralıların sayı isə 63 min 740-a yüksəlib.
Globalpress.az xəbər verir ki, Qəzzada Fələstin Səhiyyə Nazirliyindən məlumat verilib.

İsrailin son 24 saat ərzində təşkil etdiyi hücumlarda daha 210 fələstinlinin həlak olduğu, 386 nəfərin yaralandığı bildirilib.

Son hücumlarda 7 oktyabr 2023-cü ildən bəri blokada altında olan Qəzza zolağına edilən hücumlarda həlak olan fələstinlilərin sayının 25 min 700-ə, yaralı sayının isə 63 min 740-a yüksəldiyi qeyd edilib.

Açıqlamada hücumlar səbəbindən hələ də çox sayda insanın dağıntılar altında qaldığı, mülki müdafiə və təcili tibbi yardım qruplarının bu insanlara çatmaqda çətinlik çəkdiyi vurğulanıb