Nazirlər Kabineti iclas keçirib

Azərbaycan Respublikasının Prezidenti İlham Əliyevin 2022-ci il 22 iyul tarixli Sərəncamı ilə təsdiq olunan “Azərbaycan Respublikasının 2022-2026-cı illərdə sosial-iqtisadi inkişaf Strategiyası”nın həyata keçirilməsi ilə bağlı görülən işlər və tədbirlərin icra vəziyyəti barədə ildə 2 dəfə Azərbaycan Respublikasının Prezidentinə məlumatın verilməsi Azərbaycan Respublikasının Nazirlər Kabinetinə tapşırılıb.

Globalpress.az xəbər verir ki, Nazirlər Kabinetinin mətbuat xidmətindən bildiriblər ki, noyabrın 6-7-də Azərbaycan Respublikası Nazirlər Kabineti Aparatının rəhbəri Rüfət Məmmədovun rəhbərliyi ilə “Strategiya”da nəzərdə tutulan tədbirlərin icrasının nəticələri haqqında iclas keçirilib. İclasda “Strategiya”nın məqsədləri üçün yaradılan 8 İşçi qrupun üzvləri və əsas icraçı olan aidiyyəti dövlət qurumlarının rəhbərlərinin müavinləri iştirak ediblər.

İclasda “Strategiya”da nəzərdə tutulmuş tədbirlərin icrası üzrə işlərin gedişinə nəzarətin birbaşa operativ, vaxtında və effektiv təmini məqsədilə yaradılmış çoxfunksional rəqəmsal platformanın Elektron Portalın təqdimatı (azerbaijan2030.gov.az) keçirilib, İqtisadi İslahatların Təhlili və Kommunikasiya Mərkəzinin icraçı direktoru Vüsal Qasımlı “Strategiya” qəbul olunandan sonra, o cümlədən 2023-cü ilin birinci yarımilliyi üzrə “Strategiya”nın icrası istiqamətində aparılmış monitorinqin nəticələri barədə hazırlanmış hesabatla çıxış edib və ətraflı müzakirələr aparılıb.

Tədbirin yekununda “Strategiya”da nəzərdə tutulan tədbirlərin icrası prosesində qarşıya çıxan çətinliklərin həlli üçün aidiyyəti dövlət qurumlarına müvafiq tapşırıqlar verilib