Bayden Netanyahu ilə telefonla danışdı

ABŞ prezidenti Co Bayden İsrailin baş naziri Benyamin Netanyahu ilə telefonla danışıb.
Globalpress.az xəbər verir ki, bu barədə Ağ Evdən məlumat verilib.

Bildirilib ki, danışıq zamanı Bayden HƏMAS tərəfindən saxlanılan daha iki girovun azad edilməsindən məmnunluğunu ifadə edib.

Həmçinin bildirib ki, ABŞ bütün girovların, o cümlədən vətəndaşların və Qəzzadakı mülki şəxslərin ərazini təhlükəsiz tərk etmələri üçün çalışacaq.

Son olaraq prezident Bayden Netanyahuya ABŞ-ın İsrailə hərbi dəstəyi barədə məlumat verib.