Bayden İsrailə səfər edib

ABŞ prezidenti Co Baydenin təyyarəsi İsrailə eniş edib.
Globalpress.az xəbər verir ki, onu Təl-Əvivin Ben Qurion hava limanında baş nazir Benyamin Netanyahu və prezident İsaak Hersoq qarşılayıb.

İsraillə HƏMAS arasında müharibə başlayandan bəri hava limanı bir neçə dəfə atəşə tutulduğundan səfərlə əlaqədar təhlükəsizlik tədbirləri gücləndirilib. Hava limanının ətrafındakı bütün yollar bağlanıb.

Rəsmilər Baydenin İsrailə təxminən 5 saatlıq səfərinin qrafiki haqqında təfərrüatları açıqlamayıblar.