Türkiyədə 3 günlük milli matəm elan ediləcək

Qəzzada xəstəxanaya atılan raket nəticəsində həyatını itirənlər üçün Türkiyədə 3 günlük milli matəm elan ediləcək.
Globalpress.az xəbər verir ki,milli matəmin bu gün dərc olunacaq Prezident Fərmanı ilə başlayacağı gözlənilir.

AK Partiya sözçüsü Ömər Çelik məsələ ilə bağlı açıqlama verib:

“Bu, böyük millətimizin Fələstindəki məzlumlarla həmrəyliyinin və qəlbimizin onlarla olduğunun ifadəsidir”.

Xatırladaq ki, oktyabrın 17-si axşam saatlarında Qəzzada yerləşən xəstəxanaya raket zərbəsi endirilib. İsrail ordusu hadisə ilə bağlı araşdırma aparıldığını və insidentin “İslami cihad” qruplaşması tərəfindən uğursuz raket buraxılışı nəticəsində baş verdiyini bildirib. `


Mənbə NTV- Türk