Ərdoğan Hindistanda səfərdədir

Türkiyə Prezidenti Rəcəb Tayyib Ərdoğan Hindistanda səfərdədir.
Globalpress.az- ın məlumatına görə, Türkiyə dövlət başçısı sabah Hindistanın paytaxtı Yeni Delhidə “Böyük İyirmiliy”in (G20) “Bir dünya, bir ailə, bir gələcək” adlı sammitinə qatılacaq.

Qeyd edək ki, G20 1999-cu ildə müşahidə olunan dünya iqtisadi böhranları ilə əlaqədar yaradılıb. Məqsəd Asiya ölkələrinin maliyyə böhranını həll etmək idi.

Təşkilata Argentina, Avstraliya, Braziliya, Almaniya, Hindistan, İndoneziya, İtaliya, Kanada, Çin, Böyük Britaniya, Meksika, ABŞ, Rusiya, Türkiyə, Fransa, Cənubi Koreya, Cənubi Afrika Respublikası (CAR), Yaponiya, Səudiyyə Ərəbistanı və Avropa İttifaqı daxildir.