Dövlət Departamenti Türkiyəyə təşəkkür edib

[center][/center


ABŞ Türkiyənin Qara dəniz taxıl müqaviləsini bərpa etmək üçün göstərdiyi səyləri alqışlayır.
Globalpress.az-- ın məlumatına görə bunu ABŞ Dövlət Departamentinin mətbuat katibi Metyu Miller jurnalistlərin suallarını cavablandırarkən deyib.

“Biz BMT və Türkiyə ilə əməkdaşlıq edirik, hər ikisi sazişin bərpası üçün ciddi şəkildə çalışır. Rusiyanın sazişdə iştirakını dayandırması qərarı dünyada ərzaq təhlükəsizliyinə ziyan vurub. NATO-da müttəfiqimiz olan Türkiyəyə mühüm diplomatik səylərinə görə təşəkkür edirik və onların konstruktiv rol oynamağa davam etmələrini alqışlayırıq”, – M.Miller qeyd edib.

Qeyd edək ki, avqustun 31-də Türkiyənin xarici işlər naziri Hakan Fidan Qara dəniz taxıl müqaviləsi ilə bağlı rusiyalı həmkarı Sergey Lavrovla Moskvada danışıqlar aparıb. Görüşdən sonra Fidan bildirib ki, Türkiyənin fəal köməyi əsasında BMT taxıl sazişi ilə bağlı yeni təkliflər paketi hazırlayıb.