Kirenski rayonunda fövqəladə vəziyyət elan olunub

Lena çayında iki tankerin toqquşmasından sonra Kirenski rayonunda fövqəladə vəziyyət elan edilib.
Bu barədə Rusiyanın İrkutsk vilayətinin qubernatoru İqor Kobzev teleqram kanalında məlumat yayıb.
“Hazırda biz Lenaya axan neft məhsullarının həcmini dəqiqləşdiririk. Ərazidə fövqəladə vəziyyət elan edilib”, - deyə o bildirib.
Xatırladaq ki, iyunun 12-də biri 832 ton benzin daşıyan iki tanker toqquşub. Hadisə nəticəsində “Yerofey Xabarov” tankerinin çənlərindən biri zədələnib. Orada olan 138 ton yanacaq isə çaya axıb.