Rusiya yeni hücuma hazırlaşır

Rusiya ordusu Ukraynanın Krıma mümkün hücumuna qarşı geniş hazırlıq görür.

2014-cü ildə ilhaq etdiyi yarımadanı itirmək istəməyən Rusiya hərbçiləri sərhəddə səngərlər qazıb.

ABŞ-ın “Maxar” peyk təsviri şirkətinin “Washington Post” qəzetinə təqdim etdiyi görüntüləri şərh edən ekspertlər bildirirlər ki, Rusiya ordusu Krımın yaxın gələcəkdə müdafiə olunmalı olduğunu düşünür.

Globalpress.az Rusiya saytlarına istinadən xəbər verir ki, Peyk görüntülərində kilometrlərlə uzanan xəndək şəbəkələri və tank tələləri əks olunub.

Həftələrlə davam edən qazıntılar zamanı Rusiya, hətta yarımadanın sahillərini də möhkəmləndirib. Sovet dövründən qalma xəndək qazma maşını olan BTM-3-dən istifadə edən ordu işi sürətləndirmək üçün inşaat şirkətinin əməkdaşlarını də cəlb edib.


Rusiyanın iş elanları saytlarına görə, inşaatçılara Krımda xəndəkləri taxta və betonla doldurmaq üçün günə 90 dollar təklif olunur.