Ölənlərin sayı artıb

Şanlıurfa və Adıyamandakı sel fəlakətində itkin düşmüş sayılan daha bir nəfərin cəsədi tapılıb. Bununla da təbii fəlakətdə həyatını itirənlərin sayı 17-yə yüksəlib.

Cəsəd Şanlıurfada zirzəmisini su basan ticarət mərkəzində aşkar olunub.

Meyitin itkin düşdüyü bildirilən təmizlik işçisi Ömər Zamana aid olduğu qeyd edilir.

Beləliklə, şəhərdə sel səbəbiylə insan itkisi 15-ə çatıb.