Ukraynaya döyüş təyyarələrinin verilməsini müzakirə edəcəklər

Slovakiya Hərbi Hava Qüvvələrinin inventarından çıxarılan MiQ-29 qırıcıları respublika Milli Şurasında (parlamentində) müzakirə aparılmadan Ukraynaya verilməyəcək.

Globalpress.az xəbər verir ki, bunu bazar günü Slovakiyanın müdafiə naziri Yaroslav Nad TA3 telekanalının “Siyasətdə” müzakirə proqramında deyib.


“Əgər biz MiQ-lərin Ukraynaya hansı şərtlərlə bağışlanacağına dair qərar qəbul etməkdən danışırıqsa, o zaman bunu ilk növbədə parlamentdə müzakirə edəcəyik”, - Naddeyib. O qeyd edib ki, məsələ aktuallaşanda ali qanunverici orqana təqdim olunacaq.

Nazir bildirib ki MiQ-29-ların mümkün transferi Slovakiyanın müdafiə qabiliyyətini zəiflətməyəcək. Bu qırıcılar, milli hava qüvvələrinin inventarından çıxarılıb.