"İran Ukrayna və İsrailin ortaq düşmənidir"

Globalpressaz xəbər verir ki, bu barədə Ukrayna mətbuatı məlumat yayıb. Bildirilir ki, Ukrayna Prezidenti Volodimir Zelenski İsrailin xarici işlər naziri Eli Koenlə görüşü zamanı İranı hər iki ölkənin “ortaq düşməni” adlandırıb.

Zelenski həmçinin bildirib ki, o, Koenlə müxtəlif sahələrdə ikitərəfli əməkdaşlığın dərinləşdirilməsini, həmçinin Ukraynada hava hücumundan müdafiə sistemlərinin tikintisini müzakirə ediblər.

İsrail XİN-in mətbuat xidməti Koen və Zelenski arasında görüşdə “İran problemi”nin müzakirə edildiyini təsdiqləyib.