Gündəm / Cəmiyyət
Dövlət başçısı: "Azad edilmiş torpaqların bərpası üçün əlavə vəsait ayırmalıyıq
Dövlət başçısı: Azad edilmiş torpaqların bərpası üçün əlavə vəsait ayırmalıyıq
"Azad edilmiş torpaqların bərpası üçün əlavə vəsait ayırmalıyıq".
Globalpress.az xəbər verir ki, bunu Prezident İlham Əliyev mayın 4-də Vahid Hacıyevi Prezidentin Şərqi Zəngəzur iqtisadi rayonuna daxil olan Zəngilan rayonunda xüsusi nümayəndəsi təyin olunması ilə əlaqədar videoformatda qəbul edərkən deyib.
Dövlət başçısı vurğulayıb ki, qarşıda duran digər vəzifələr, ilk növbədə, keçmiş məcburi köçkünlərin azad edilmiş torpaqlara tezliklə qayıtmaları ilə bağlıdır:
"Burada da dövlət nə mümkünsə edir, bütün güclər səfərbər olunub. Maliyyə vəsaiti səfərbər edilib. Keçən il və bu il bu məqsədlər üçün hər il üzrə 2,2 milyard manat vəsait nəzərdə tutulub, yəni, toplam 4,4 milyard manat. Bu il bizim iqtisadi inkişafımız daha sürətlidir və ilin birinci rübündə iqtisadiyyat təxminən 7 faiz artıb, gəlirlərimiz də artıb. Ona görə mən hesab edirəm ki, təxirəsalınmaz işlərin görülməsi üçün biz əlavə vəsait ayırmalıyıq. Azad edilmiş torpaqların bərpası üçün əlavə vəsait ayırmalıyıq. Hökumətə bu məsələ ilə bağlı göstəriş verildi. Yəqin ki, yaxın gələcəkdə biz bunu rəsmən təsdiqləyəcəyik ki, daha çox işi bu il görə bilək. Hələ, deməli, ilin 4 ayı keçib, görüləcək işlər çoxdur. Ona görə keçmiş məcburi köçkünlərin qaytarılması üzrə birinci layihə, qeyd etdiyim kimi, yaxın zamanlarda icra olunacaq. Digər layihələrə də mütləq başlamaq lazımdır", - dövlət başçısı bildirib.
Daha çox xəbər:

Prezident İlham Əliyev: Zəngəzur dəhlizi artıq reallıqdır

Işğaldan azad olunmuş ərazilərlə bağlı mühüm qərar qəbul edildi

Prezidentin işğaldan azad edilmiş ərazilərdə torpaqların icarəyə verilməsi haqqında FƏRMANI

Zəngilanda Prezidentin xüsusi nümayəndəsi təyin edilib - Sərəncam

Prezident işğaldan azad edilmiş ərazilərdə su resursları ilə bağlı tapşırıq verdi