Ağacəkmə aksiyaları davam edir

“Konstitusiya və Suverenlik İli” çərçivəsində Ekologiya və Təbii Sərvətlər Nazirliyinin təşkilatçılığı ilə Bakının Müşfiqabad qəsəbəsində ağacəkmə aksiyası keçirilib.

"Camphood" şirkətinin təşəbbüsü ilə dəvət olunmuş uşaqların və ekokönüllülərin iştirakı ilə keçirilən aksiya çərçivəsində Abşeron yarımadasının torpaq-iqlim şəraitinə uyğun Eldar şamı və zeytun ağacları əkilib.

Ağacəkmə aksiyasının keçirilməsində məqsəd yaşıllıq sahələrinin artırılmasını təşviq etmək, ekoloji tarazlığın qorunması, təbii mühitin yaxşılaşdırılması və iqlim dəyişikliyi ilə mübarizəyə töhfə verməkdir.