ABŞ Ukraynaya yardımı dayandırıb

Ağ Ev Ukraynaya hərbi yardımın dayandırıldığını bildirib

"Amerika Birləşmiş Ştatları Ukrayna tərəfinin sülh razılaşmasını asanlaşdırmaq istəyinə əmin olana qədər Ukraynaya hərbi yardımı dayandırıb".
Globalpress.az xəbər verir ki, bu barədə "Reuters" agentliyi məlumat yayıb.

“Prezident diqqətini sülhə yönəltdiyini açıq şəkildə bildirdi. Biz tərəfdaşlarımızın da bu məqsədə sadiq qalmasına ehtiyac duyuruq. Biz yardımımızı dayandırırıq".

Məlumata görə, təkcə gələcək tədarüklər deyil, həm də artıq tranzitdə olanlar da dayandırılıb.

Agentlik qeyd edib ki, söhbət kritik əhəmiyyətli döyüş sursatları, idarə olunan çoxsaylı buraxılış raket sistemləri və tank əleyhinə silahlardan gedir.