İsrail və Həmas yeni saziş üzrə razılığa gəliblər

İsrail hakimiyyəti və Fələstinin HƏMAS qrupu atəşkəs və girovların mübadiləsi ilə bağlı yeni sazişin əsas bəndləri üzrə razılığa gəliblər.
Globalpress.az xəbər verir ki, tərəflər 40 gün müddətinə atəşkəsin yaradılması barədə razılığa gəliblər. Bu müddət ərzində 404 fələstinli məhbusun İsrail həbsxanalarından azad edilməsi müqabilində 60 yaşlarında qadınlar, uşaqlar və kişilər də daxil olmaqla 40 israilli girov azad edilməlidir.

Qeyd edək ki, İsrail və HƏMAS arasında müharibə 7 oktyabr 2023-cü ildən bəri davam edir.