NATO Ukraynaya sərmayə qoyur

NATO Ukraynaya dəstək məqsədilə artilleriya sursatlarının istehsalına 1,2 milyard dollar sərmayə qoyur.
Globalpress.az xəbər verir ki, bu barədə alyansın baş katibi Yens Stoltenberq yanvarın 23-də Brüsseldəki mənzil-qərargahında keçirdiyi brifinqdə bildirib.

“Biz indicə yüz minlərlə 155 mm-lik sursat almaq üçün dəyəri 1,2 milyard dollardan artıq məbləğlə ifadə olunan müqavilə imzaladıq”, – deyə baş katib vurğulayıb.

Onun sözlərinə görə, Ukraynadakı münaqişə sursat uğrunda döyüşə çevrilib.

“Müttəfiqlərin Kiyevə dəstəyi davam edir. Düşünürük ki, Ukraynanın təchizatının artırılması vacibdir”, – deyə baş katib bildirib.