Onların təkliflərini dinləməyə hazıram

Ukrayna prezidenti Vladimir Zelenski ölkədə Afrika dövlətlərinin sülh missiyasını qəbul etməyə və onların təkliflərini dinləməyə hazırdır.

Globalpress.az xəbər verir ki, bu barədə Ukrayna prezidentinin mətbuat katibi Sergey Nikiforov RBC-Ukrayna agentliyinə bildirib.

“Prezident belə sülhsevər təşəbbüsü alqışladı. Vladimir Zelenski Ukraynada hörmətli qonaqları qəbul etməyə və onların təkliflərini dinləməyə hazırdır”, – Nikiforov deyib.

O, bildirib ki, Zelenski ilə Cənubi Afrika prezidenti Siril Ramafosa arasında söhbət mayın 13-də baş tutub. Söhbət zamanı Cənubi Afrika Prezidenti Zelenskiyə bir sıra Afrika ölkələrinin missiyası çərçivəsində Ukraynaya səfər etmək niyyəti barədə məlumat verib.

Nikiforov həmçinin əlavə edib ki, Zelenski missiyanı Ukraynanın “sülh formulu”nun həyata keçirilməsinə qoşulmağa dəvət edəcək.şıb.