Bu gün İlaxır çərşənbədir

Bu gün İlaxır çərşənbədir
Bu gün Azərbaycanda Novruz bayramının sonuncu - İlaxır çərşənbəsi qeyd olunur.

Globalpress.az- ın məlumatına görə, bu çərçənbəyə Torpaq çərşənbəsi də deyirlər.

Digər çərşənbələrdən fərqli olaraq, ilaxır çərşənbə x ölkəmizdə üsusi təntənə ilə qeyd edilir.

Torpaq çərşənbəsinin sonuncu qeyd olunmasının səbəbi belə yozulur ki, birinci su, sonra od oyanaraq təbiəti isidir. Daha sonra külək əsir, hava təzələnir və yenilənir.

İlaxır çərşənbədə bütün günü davam edən mərasim axşam şənlikləri ilə daha da gurlaşır.

Üzərlik yandırılır, tonqallar alovlanır, tonqallar üstündən tullanılır, bacalardan torbalar sallanır, qurşaq atılır, qulaq falları qurulur.

Qeyd edək ki, Nazirlər Kabinetinin qərarına əsasən bu il mart ayının 20, 21, 22, 23, 24-ü Novruz bayramıdır.

Yaz fəsli isə Azərbaycana martın 21-i saat 01:24-də daxil olacaq.